Ájiniyaz atındaǵı Nókis mámleketlik pedagogikalıq institutında «Keleshekke qádem» joybarı sheńberinde student-jaslardıń isbilermenlik kónlikpelerin arttırıw, biznes ideyaları hám baslamaların qollap-quwatlaw maqsetinde «Biznes ideyadan tayar joybarǵa shekem» atamasında seminar-trening ótkerildi.

Ilajǵa Ózbekstan Sawda-sanaat palatası Qaraqalpaqstan Respublikası basqarmasınıń bas qánigesi J.Berdimuratov, «Ózmilliybank» AJ Qaraqalpaqstan Respublikası Bas basqarmasınıń qánigesi A.Baltabaev, «Biogumus» fermer xojalıǵınıń baslıǵı, isbilermen Sh.Niyazımbetov, instituttıń registrator ofisi baslıǵı B.Tólepov, «Keleshekke qádem» orayınıń qánigesi N.Tańbaev, isbilermenlikke qızıǵıwshı student-jaslar qatnastı.

Seminarda sózge shıqqanlar, házirgi waqıtta mámleketimiz basshısı tárepinen pitkeriwshilerdiń bántligin támiyinlew, ásirese, olardı isbilermenlikke qızıqtırıw, biznes ideyaları hám baslamaların qollap-quwatlaw arqalı jańa jumıs hám dáramat dáregin payda etiw baǵdarında qabıl etilgen párman jáne qararlar haqqında maǵlıwmat berdi.

«Keleshekke qádem» baǵdarlaması sheńberinde jeńilletilgen kreditler alıw arqalı óz isbilermenligin jolǵa qoyǵan student-jaslardıń jumısları tanıstırıldı.

Sonıń menen birge, ilaj dawamında óz biznesin baslaw niyetinde bolǵan jaslar ushın motivaciyalıq trening ótildi.

NMPI baspasóz xızmeti.