Ájiniyaz atındaǵı Nókis mámleketlik pedagogikalıq institutı Anıq pánler fakultetinde student-jaslar arasında kiberjınayatlardıń aldın alıw, jınayatshılıq hám huqıqbuzarlıqlar profilaktikasın kúsheytiw máselelerine arnalǵan úgit-násiyat ushırasıwı shólkemlestirildi.

Ilajǵa institut profilaktikalıq inspektorı Miyrigúl Narımbetova, fakultet dekanınıń orınbasarı Xalmurat Esemuratov, tyutorlar hám student-jaslar qatnastı.

Ushırasıw dawamında sózge shıqqanlar jaslar arasında ushırasıp atırǵan huqıqbuzarlıqlardıń sebepleri, olardıń aldın alıwda huqıqıy sana hám mádeniyattıń ornı haqqında aytıp ótti.

Sonday-aq, kiberjınayatlardıń zamanagóy kórinisleri, sociallıq tarmaqlardaǵı aldawshılıq hám málimleme qáwipsizligi máseleleri boyınsha ámeliy kónlikpeler berildi.

NMPI baspasóz xızmeti.