Xabarıńız bar, 2026-jıldıń 15-yanvar kúninen 28-fevralǵa shekem elimiz boylap xalıqtı hám awıl xojalıǵın dizimge alıw ótkeriledi. Bul arqalı mámleketlik ekonomikalıq siyasattı durıs jobalastırıw ushın tiykarǵı maǵlıwmat dáregi qáliplestiriledi.

Ájiniyaz atındaǵı Nókis mámleketlik pedagogikalıq institutında ótkerilgen seminar-trening dawamında usı ilajdıń áhmiyeti hám ámelge asırılatuǵın jumıslar dodalandı.

Ilajda Qaraqalpaqstan Respublikası statistika basqarmasınıń jetekshi qánigesi Gúlayım Smaylova Ózbekstan Respublikası Prezidentiniń «Ózbekstan Respublikasında xalıqtı hám awıl xojalıǵın dizimge alıw ilajın ótkeriw haqqında»ǵı pármanı hám onnan kelip shıǵatuǵın wazıypalar haqqında maǵlıwmat berdi.

Atap aytqanda, census.stat.uz platforması arqalı xalıqtıń jası, shańaraqlıq jaǵdayı, bilim dárejesi, migraciya, jumıs penen bántligi hám dáramat dárekleri haqqında birden-bir baza jaratıladı. Awıl xojalıǵında jerden paydalanıw, sharwashılıq hám qusshılıq kórsetkishleri de anıqlanadı.

Seminarda oqıw dárgayında dizimge alıw boyınsha úgit-násiyat hám túsindiriw jumısların alıp barıw boyınsha aldaǵı wazıypalar belgilep alındı.

NMPI baspasóz xızmeti.