Tashkent qalasındaǵı Áliysher Nawayı atındaǵı Ózbekstan milliy kino óneri sarayında, sonday-aq, respublikanıń barlıq aymaqlarında 25-noyabr – Hayal-qızlarǵa qaratılǵan zorlıqtı saplastırıw xalıqaralıq kúni múnásibeti menen ótkerilip atırǵan 16 kúnlik globallıq akciya sheńberinde «Jigerli Maryam» kórkem-publicistikalıq filminiń ulıwma xalıqlıq premyerası bolıp ótti.

Ájiniyaz atındaǵı Nókis mámleketlik pedagogikalıq institutınıń májilisler zalında shólkemlestirilgen premyeraǵa Qaraqalpaqstan Respublikası Shańaraq hám hayal-qızlar komiteti, Respublikalıq Ruwxıylıq hám aǵartıwshılıq orayı Qaraqalpaqstan Respublikası bólimi, Jaslar isleri agentligi Qaraqalpaqstan Respublikası basqarması hám Ózbekstan Máhálleleri awqamı Qaraqalpaqstan Respublikası basqarması, sonday-aq, keń jámiyetshilik wákilleri, institut professor-oqıtıwshıları hám studentler qatnastı.

Ózbekstan kinematografiyalıq agentligi tárepinen jaratılǵan bul film ózbek hayalınıń mártligi simvolı – aǵartıwshı jurnalist hám miyirbiyke Maryam Sultanmuratovanıń ómirine arnalǵan.

NMPI baspasóz xızmeti.