Ájiniyaz atındaǵı Nókis mámleketlik pedagogikalıq institutı málimleme-resurs orayında Filologiya fakulteti «Kitapqumar» dógeregi aǵzaları tárepinen 1-dekabr – Qaraqalpaq tili bayramı kúni hám qaraqalpaq tiline mámleketlik til biyligi berilgeniniń 36 jıllıǵına arnalǵan «Ana tilim – maqtanıshım!» atamasındaǵı bayram keshesi shólkemlestirildi.

Keshege málimleme-resurs orayı sırt el málimleme-kitapxana resursları menen islew bóliminiń baslıǵı Rita Amanbaeva, instituttıń qaraqalpaq tili kafedrasınıń docenti Esbergen Allanazarov, Filologiya fakultetiniń tyutorları hám student-jaslar qatnastı.

Ilajda sózge shıqqanlar qaraqalpaq tiliniń dúnya tilleri qatarındaǵı ornı, mámleketlik til biyliginiń beriliw tariyxı, ilimiy jaqtan izertleniwi, házirgi waqıtta qaraqalpaq tiliniń qollanılıw dárejesin rawajlandırıw, keleshek áwladlarǵa jetkerip beriw baǵdarındaǵı ámelge asırılıp atırǵan jumıslar tuwralı maǵlıwmatlar berdi.

Bayram keshesi talantlı student-jaslar atqarıwındaǵı kórkem-ádebiy bólim menen dawam etti.

NMPI baspasóz xızmeti.