Ájiniyaz atındaǵı Nókis mámleketlik pedagogikalıq institutında student-jaslardıń Ózbekstan Respublikası Konstituciyası, onıń tiykarǵı principleri hám qaǵıydaları boyınsha bilimlerin arttırıwdı xoshametlew, ómirde ózleriniń múnásip orınların tabıwda Bas Nızamımızdıń áhmiyeti hám rolin túsinip alıwına múnásip sharayatlar jaratıw maqsetinde «Konstituciya olimpiadası» ótkerildi.

«Konstituciya olimpiadası» 2 basqıshta shólkemlestirildi.

Birinshi basqısh – test sınaǵı hám ekinshi basqısh – Ózbekstan Respublikası Konstituciyasınıń bólim, bap hám statyaları boyınsha shıǵarma jumısı.

Olimpiada juwmaqları boyınsha jeńimpazlar hám sıylı orın iyeleri anıqlandı.

Solay etip, «Konstituciya olimpiadası»nda:

1-orın – Pedagogika-psixologiya hám dóretiwshilik tálim fakulteti mektep menedjmenti tálim baǵdarınıń 4-kurs studenti Mehriban Qazaqbaeva;

2-orın – Tariyx fakulteti milliy ideya, ruwxıylıq tiykarları hám huqıq tálimi baǵdarınıń 1-kurs studenti Gúlbáhár Yusupbekova;

3-orın – Tariyx fakulteti milliy ideya, ruwxıylıq tiykarları hám huqıq tálimi baǵdarınıń 1-kurs studenti Malika Orınbaevaǵa nesip etti.

NMPI baspasóz xızmeti.