Ájiniyaz atındaǵı Nókis mámleketlik pedagogikalıq institutı Anıq pánler fakultetinde Ózbekstan Respublikası Prezidentiniń «Xalıqtıń salamatlıǵı hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında»ǵı pármanı hám onnan kelip shıǵatuǵın wazıypalarǵa arnalǵan úgit-násiyat ushırasıwı bolıp ótti.

Ushırasıwǵa fakultet dekanınıń orınbasarı Xalmurat Esemuratov, institut profilaktikalıq inspektorları Ádilbay Mámbetsheripov, Miyrigúl Narımbetova, sonday-aq, tyutorlar hám student-jaslar qatnastı.

Ilajda sózge shıqqanlar respublikamızda náshebentlikke qarsı gúresiw boyınsha ámelge asırılıp atırǵan mámleketlik siyasat, pármannıń tiykarǵı baǵdarları hám jaslardıń huqıqıy sanasın jetilistiriwge baǵdarlanǵan baslı wazıypalar haqqında tolıq maǵlıwmat berdi.

Ushırasıw dawamında náshebentlik zatlardı paydalanıwdıń unamsız aqıbetleri, onıń shaxs, shańaraq hám jámiyetke keltiretuǵın zıyanlı tásiri, narkojınayatlardıń alın alıw boyınsha ámeliy usınıslar atap ótilip, salamat turmıs táriziniń áhmiyeti túsindirildi.

Sonday-aq, jaslar arasında huqıqbuzarlıqlar hám jınayatshılıqtıń basqa da túrleriniń aldın alıw, studentlerdiń qáwipsizligin támiyinlew sıyaqlı kúnniń áhmiyetli máseleleri dodalandı.

Narkojınayatlar profilaktikası boyınsha tayarlanǵan videofilm qatnasıwshılar dıqqatına usınıldı.

NMPI baspasóz xızmeti.