Ájiniyaz atındaǵı Nókis mámleketlik pedagogikalıq institutında 3-dekabr – Xalıqaralıq mayıplıǵı bolǵan shaxslar kúni múnásibeti menen sawǵalardı tapsırıwǵa arnalǵan ilaj bolıp ótti.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov sózge shıǵıp, elimizde húrmetli Prezidentimiz basshılıǵında xalqımız, sonıń ishinde, sociallıq járdemge mútáj, mayıplıǵı bolǵan insanlarǵa ámeliy járdem kórsetiw hám olardı qollap-quwatlaw baǵdarında ámelge asırılıp atırǵan jumıslar haqqında toqtalıp ótti.

Ilaj sheńberinde institutta óz wazıypasın ádiwli túrde atqarıp, nátiyjeli jumıs alıp barıp atırǵan professor-oqıtıwshılar, pedagog hám qánige xızmetkerlerge kásiplik awqamı komiteti tárepinen tayarlanǵan sawǵalar tapsırıldı.

NMPI baspasóz xızmeti.