Joqarı bilimlendiriw, ilim hám innovaciyalar ministrliginiń tiyisli buyrıǵı tiykarında, joqarı, orta arnawlı hám kásiplik bilimlendiriw shólkemleri (mámleketlik, mámleketlik emes hám sırt el) hám akademiyalıq liceylerdiń studentleri jáne oqıwshılarınıń bıyılǵı oqıw jılı ushın qısqı demalıs múddeti belgilendi.

Oǵan bola, qısqı demalıs 2025-jıl 28-dekabrden baslanıp, 2026-jıl 10-yanvarǵa shekem (sol kúni de) dawam etedi.

Studentler hám oqıwshılardıń qısqı demalıs dáwirinde turaqlı jasaw aymaqlarına (Qaraqalpaqstan Respublikası, wálayatlar hám Tashkent qalasına) barıp-keliwin qolaylastırıw maqsetinde Transport ministrligi, «Ózbekstan temir jolları» AJ hám «Uzbekistan Airways» AJ menen birgelikte qosımsha imkaniyatlar jaratıladı.

Usı tiykarda, 2025-jıl 18-dekabrden 2026-jıl 12-yanvarǵa shekem (sol kúni de) studentler hám oqıwshılar ushın 50 procentlik shegirme tiykarında jol biletleriniń satıwı jolǵa qoyıladı.