Ózbekstan Respublikası Konstituciyası qabıl etilgeniniń 33 jıllıǵı múnásibeti menen Tashkent mámleketlik yuridika universitetiniń professor-oqıtıwshıları hám belsendi studentlerinen dúzilgen «Úgit-násiyat poezdi» Ájiniyaz atındaǵı Nókis mámleketlik pedagogikalıq institutına keldi.

«Konstituciya – insan qádiri, erkinlik, teńlik hám ádillik girewi» súreni tiykarında shólkemlestirilgen ushırasıwǵa instituttıń belsendi student-jasları qatnastı.

Ushırasıw dawamında Konstituciyamızdıń mazmunı hám áhmiyeti haqqında maǵlıwmatlar berildi.

Sonday-aq, «Balalar hám jaslardıń huqıqların qorǵaw» huqıqıy akciyası sheńberinde studentlerdiń huqıqıy bilimleri sınaqtan ótkerilip, hár qıylı interaktiv oyınlar, viktorinalar shólkemlestirildi.

NMPI baspasóz xızmeti.