Ájiniyaz atındaǵı Nókis mámleketlik pedagogikalıq institutında 9-dekabr – Xalıqaralıq korrupciyaǵa qarsı gúresiw kúni múnásibeti menen usı illetke qarsı mawasasız qatnastı qáliplestiriw, hadallıq hám ádillik principlerin úgit-násiyatlawǵa baǵdarlanǵan ushırasıw shólkemlestirildi.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov korrupciyanıń jámiyettiń rawajlanıwına unamsız tásiri, onıń aldın alıwda bilimlendiriw mákemeleriniń ornı hám jaslar sanasında hadallıq mádeniyatın qáliplestiriw máseleleriniń áhmiyeti haqqında aytıp ótti.

Ushırasıwda korrupciyaǵa qarsı gúresiw baǵdarında ótkerilip atırǵan úgit-násiyat ilajlarda belsene qatnasıp, ibratlı baslamaları menen órnek bolıp atırǵan professor-oqıtıwshılar alǵısnamalar menen sıylıqlandı.

Bunday ilajlar institutta hadallıq, ashıq-aydınlıq hám juwapkershilik ortalıǵın ele de bekkemlewge xızmet etedi.

NMPI baspasóz xızmeti.