Hayal-qızlardıń jámiyettegi rolin arttırıw, gender teńligi hám shańaraq máseleleri boyınsha respublikalıq komissiyası májilisiniń tiyisli protokolında genderge baylanıslı audit ótkeriw metodikası hám genderge baylanıslı audit ótkeriw boyınsha úsh jıllıq reje tastıyıqlanǵan edi.

Usı reje tiykarında usı jıldıń 25-noyabr – 20-dekabr kúnleri ministrlik hám shólkemler, aymaqlıq basqarmalar, bilimlendiriw mákemeleri gender baylanıslı auditten ótkerilmekte.

Ájiniyaz atındaǵı Nókis mámleketlik pedagogikalıq institutında Ózbekstan bilimlendiriw hám ilim xızmetkerleri kásiplik awqamları Qaraqalpaqstan Respublikası boyınsha juwaplı shólkemlestiriwshisi R.Abdurahmonov, sonday-aq, Nókis qalalıq Keńesi bólimshesi baslıǵı M.Dawılbaev tárepinen tiyisli úyreniw jumısları alıp barıldı.

Úyreniw jumısları barısında ulıwma 32 bántten ibarat sorawnama sheńberinde institutta hayal-qızlar hám erkekler ushın teń huqıq jáne imkaniyatlardı támiyinlew máseleleri boyınsha ámelge asırılıp atırǵan jumıslar kórip shıǵıldı.