Ájiniyaz atındaǵı Nókis mámleketlik pedagogikalıq institutı Anıq pánler fakultetinde 9-dekabr – Xalıqaralıq korrupciyaǵa qarsı gúresiw kúni hám «Korrupciyaǵa qarsı gúresiw aylıǵı» sheńberinde úgit-násiyat ushırasıwı shólkemlestirildi.

Ushırasıwda instituttıń korrupciyaǵa qarsı gúresiw «Komplaens qadaǵalaw» sistemasın basqarıw bóliminiń bas qánigesi Gúlistan Dálibaeva korrupciyanıń jámiyettiń rawajlanıwına unamsız tásiri, bilimlendiriw tarawında ashıq-aydınlıq hám ádillikti támiyinlewdiń áhmiyeti haqqında shıǵıp sóyledi.

Ushırasıwda institutta korrupciyaǵa qarsı gúresiw baǵdarında ámelge asırılıp atırǵan reyting qadaǵalawı, ishki monitoring sistemaları, komplaens bóliminiń jumısı hám wazıypaları haqqında student-jaslarǵa tolıq maǵlıwmatlar berildi.

Ilajda studentlerdiń pikir-usınısları tıńlanıp, korrupciyalıq jaǵdaylardıń aldın alıw maqsetinde shólkemlestirilgen múrájat kanalları, juwapkerlerdi xabardar etiw tártipleri túsindirildi.