Usı jıldıń 7-14-dekabr kúnleri Birlesken Arab Ámirlikleriniń Dubay qalasında V jaslar para Aziya oyınları bolıp ótti. Onda Ózbekstan delegaciyası ulıwma komandalıq esapta birinshi orındı iyeledi.

Quwanıshlısı, jarısta Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń studenti Otabek Amatov para taekvondo boyınsha 80 kilogramm salmaq kategoriyasında sıylı 3-orındı iyelep, para Aziya oyınlarınıń qola medalın qolǵa kirgizdi.

Para Aziya oyınlarında joqarı nátiyjege erisken institutımız studenti Otabek Amatovtı qolǵa kirgizgen tabısları menen qutlıqlaymız!

NMPI baspasóz xızmeti.