Aldın xabar bergenimizdey, Tashkent qalasında respublikamızdaǵı barlıq joqarı oqıw orınlarınıń studentleri arasında «Intellektual olimpiada»nıń respublikalıq basqıshı bolıp ótpekte.

Búgin, 17-dekabr kúni «Jeke oyın» intellektual jarısında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakultetiniń 4-kurs studenti Nurjan Bayniyazov óz toparında 1-orındı iyelep, sherek finalǵa shıqtı.

Sherek finalda úlken esapta artta qalıwına qaramastan eń sońǵı temada +120 upay menen yarım finalǵa jollamanı qolǵa kirgizdi.

Esletip ótemiz, institutımız studenti Nurjan Bayniyazov usı jıldıń may ayında ótkerilgen «Intellektual háptelik»te «Jeke oyın» jarısında finalǵa shekem jetip barǵan edi.

Nurjanǵa yarım finalda áwmet tileymiz!

NMPI baspasóz xızmeti.