Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi koordinatorı Jasurbek Nurullaev baslaması menen student-jaslar qatnasıwında «Debat» intellektual oyını shólkemlestirildi.

«Náshebentlikke qarsı gúresiwde jazanı kúsheytiwge qaraǵanda profilaktikalıq jumıslar áhmiyetli» temasında ótkerilgen oyında qatnasıwshılar náshebentlik sıyaqlı globallıq mashqalaǵa qarsı gúresiwdiń eki tárepin «Tastıyıqlawshı» hám «Biykarlawshı» poziciyalarda óz ara dodaladı.

«Debat» dawamında studentler óz pikirlerin tiykarlap, statistikalıq maǵlıwmatlar hám real waqıyalardı mısal sıpatında keltirip, mashqalanıń sociallıq, ekonomikalıq hám psixologiyalıq táreplerin analizledi.

Bunday ilajlar náshebentlikke qarsı gúresiwde profilaktika, bilimlendiriw hám sociallıq qollap-quwatlawdıń áhmiyetin túsindiriwge xızmet etedi.