Ájiniyaz atındaǵı Nókis mámleketlik pedagogikalıq institutı Anıq pánler fakulteti fizika kafedrasınıń baslaması menen «Kvant 125 jasta» atamasındaǵı bayram keshesi bolıp ótti.

Kesheni shólkemlestiriwden maqset kvant fizikasınıń rawajlanıw tariyxı, onıń zamanagóy ilim hám texnologiyada tutqan ornın sáwlelendiriw hám studentlerdiń ilimiy kózqarasların keńeytiwden ibarat.

Ilajda dáslep fizika kafedrasınıń oqıtıwshısı G.Matqurbanova kvant teoriyasınıń payda bolıwı, 125 jıllıq rawajlanıw jolı, belgili fizik ilimpazlardıń ilimge qosqan úlesi haqqında bayanat jasadı.

Bunnan soń bayram keshesi fakultettiń qábiletli student-jasları atqarıwındaǵı «Mikro álemge sayaxat» atamasındaǵı shıǵıp sóylewler, saxnalıq kórinisler, qosıq hám ayaq-oyınlar menen dawam etti.

Belsene qatnasqan studentler ilaj juwmaǵında fakultet dekanatı tárepinen xoshametlendi.

NMPI baspasóz xızmeti.