Ájiniyaz atındaǵı Nókis mámleketlik pedagogikalıq institutı Tábiyiy pánler fakultetinde «Korrupciyasız bilimlendiriw – ádil keleshek tiykarı» atamasındaǵı ashıq sáwbetlesiw bolıp ótti.

Bul ilajǵa fakultet dekanı Qarjawbay Reymov, instituttıń korrupciyaǵa qarsı gúresiw bólimi bas qánigesi Gúlistan Dálibaeva, professor-oqıtıwshılar, tyutorlar hám student-jaslar qatnasıp, bilimlendiriw procesinde korrupciyanıń aldın alıw, ashıq-aydınlıq hám hadallıq principlerin bekkemlew máseleleri dodalandı.

Ashıq sáwbetlesiw dawamında korrupciyaǵa qarsı gúresiw baǵdarında ámelge asırılıp atırǵan reformalar, bilimlendiriw sistemasında ashıq-aydınlıqtı támiyinlew, studentlerdiń huqıqları menen minnetlemeleri, bahalaw processleriniń ádil shólkemlestiriliwi hám hár bir jastıń korrupciyaǵa mawasasız múnásibetin qáliplestiriw máselelerine ayrıqsha itibar qaratıldı.

Sonday-aq, qatnasıwshılar tárepinen ózlerin qızıqtırǵan sorawlar, orın alıp atırǵan mashqalalar hám usınıslar ashıq-aydın dodalanıp, juwapkerler tárepinen tolıq túsinikler berildi.

NMPI baspasóz xızmeti.