Ájiniyaz atındaǵı Nókis mámleketlik pedagogikalıq institutı Filologiya fakulteti qaraqalpaq ádebiyatı kafedrası tárepinen Ózbekstan hám Qaraqalpaqstan xalıq shayırı Tilewbergen Jumamuratovtıń tuwılǵanına 110 jıl tolıwına arnalǵan ádebiy keshe ótkerildi.

Ilajdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov basqarıp bardı.

Ádebiy keshege Tilewbergen Jumamuratovtıń qızı, belgili shayır, Qaraqalpaq mámleketlik universiteti jurnalistika kafedrasınıń professorı Malika Jumamuratova, Qaraqalpaqstan Jazıwshılar awqamınıń baslıǵı, Ózbekstan xalıq jazıwshısı, Qaraqalpaqstan xalıq shayırı Keńesbay Kárimov, belgili shayır Jumaniyaz Óteniyazov, keń jámiyetshilik wákilleri, professor-oqıtıwshılar hám student-jaslar qatnastı.

Keshede sózge shıqqanlar belgili sóz zergeri Tilewbergen Jumamuratovtıń oǵada bay dóretiwshiligi, atap aytqanda, ádebiyatımızdı dúnya xalıqlarına tanıtqanlıǵı hám keleshek áwladlarǵa biybaha miyras qaldırǵanlıǵı haqqında maǵlıwmatlar berdi.

Ádebiy keshede talantlı studentler shayırdıń shıǵarmalarınan kórkemlep oqıp berdi.

NMPI baspasóz xızmeti.