Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi baslaması menen 2025-jıl juwmaqlarına arnalǵan jańa jıl bayram keshesi bolıp ótti.

Pozitiv ruwxta, joqarı keypiyatta ótken bayram ilajında instituttıń talantlı student-jasları menen birgelikte estrada juldızları atqarıwındaǵı qosıqlar, hár qıylı ayaq-oyınlar, saxnalıq kórinisler, karaoke-taym shólkemlestirildi.

Sonıń menen birge, túrli qızıqlı nominaciyalar hám sawǵalı oyınlar jeńimpazları diplom jáne institut kásiplik awqamı komiteti tárepinen tayarlanǵan bayram sawǵaları menen sıylıqlandı.

Bayram keshesi jaslarǵa úlken zawıq baǵıshladı.

NMPI baspasóz xızmeti.