Ájiniyaz atındaǵı Nókis mámleketlik pedagogikalıq institutında studentlerdiń qısqı demalıs kúnlerin mazmunlı shólkemlestiriw maqsetinde tómendegi onlayn tańlawlar járiyalanadı.

– «Qıs kórki» atamasındaǵı fotosúwretler tańlawı;

– «Meniń máhállem» atamasındaǵı videorolikler tańlawı;

– «Jańa Ózbekstan jaslar názerinde» atamasındaǵı shıǵarmalar tańlawı;

– «Men súyip oqıǵan shıǵarma» atamasındaǵı videorolikler tańlawı;

– «14-yanvar – Watan qorǵawshıları kúni» bayramı múnásibeti menen plakatlar tańlawı.

Tańlawlar eki basqıshta ótkeriledi.

Birinshi basqısh fakultet basqıshı bolıp, usı jıldıń 3-10-yanvar kúnleri aralıǵında ótkeriledi.

Bunda barlıq tańlawlar boyınsha kelip túsken materiallar fakultet jumısshı toparı tárepinen kórip shıǵıladı hám jeńimpazlardı anıqlaydı.

Tańlaw jeńimpazları (birinshi orın iyeleri) fakultet dekanı tárepinen institut basqıshına usınıs etiledi.

Ekinshi institut basqıshında bolsa fakultet basqıshında jeńimpaz dep tabılǵan dóretiwshilik jumısları institut jumısshı toparı tárepinen kórip shıǵıladı hám jeńimpazlar anıqlanıp, instituttıń rásmiy Telegram kanalı arqalı járiyalanadı.

Tańlaw jeńimpazları arnawlı diplom hám estelik sawǵaları menen sıylıqlanadı.