Ájiniyaz atındaǵı Nókis mámleketlik pedagogikalıq institutı 2025-2026-oqıw jılında oqıwın kóshiriw hám qayta tiklew niyetinde bolǵan institut studentleri ushın 2026-jıldıń 10-yanvarınan 20-yanvarına (20-yanvar kúni de) shekem arzalar qabıl etiletuǵınlıǵın málim etedi.

Ministrler Kabinetiniń 578-sanlı qararı (13.09.2025-j.) menen tastıyıqlanǵan rejege muwapıq, báhárgi semestr ushın joqarı bilimlendiriw shólkemleri studentleriniń oqıwın kóshiriw (qayta tiklew) boyınsha arzaların qabıllaw múddetine ózgeris kirgizilgen.

Joqarı oqıw orınlarına studentler oqıwın kóshiriw hám qayta tiklew boyınsha arzalardı dizimnen ótkeriw Joqarı bilimlendiriw, ilim hám innovaciyalar ministrliginiń rásmiy veb-saytı – transfer.edu.uz yamasa Birden-bir interaktiv mámleketlik xızmetler portalınan – my.gov.uz biri arqalı 2026-jıldıń báhárgi semestr oqıw sabaqları baslanıwınan aldın – 10-yanvardan 20-yanvarǵa shekem (20-yanvar kúni de) elektron platforma arqalı ámelge asırıladı.

Studentler oqıwın kóshiriwde 2 keshirimli sebebi bar studentlerge ǵana ruxsat beriledi:

1) Student shańaraq qurıwı múnásibeti menen ómirlik joldası turaqlı jasaytuǵın aymaqtaǵı JOOǵa oqıwın kóshiriw ushın;

2) Mámleketlik uyımlardıń xızmetkerleri jumıs ornı ózgergen jaǵdayda onıń ómirlik joldası yamasa erjetpegen perzentiniń oqıwın kóshiriw ushın (tiyisli ministrlik (mákeme) basshısınıń usınısı tiykarında).

Oqıwın kóshiriw hám qayta tiklew haqqındaǵı arzalardı kórip shıǵıw hám qarar qabıl etiw báhárgi semestr oqıw sabaqları baslanıwınan aldın 21-yanvardan 10-fevralǵa shekem (10-fevral kúni de) ámelge asırıladı.

Oqıwın kóshiriw hám qayta tiklew niyetin bildirgen studentler elektron platformaǵa óziniń jeke identifikaciya maǵlıwmatların kirgizedi hám ózine tiyisli tómendegi hújjetlerdi júkleydi:

1) Akademiyalıq maǵlıwmatnama yamasa transkript nusqası;

2) Mámleketlik uyımlar xızmetkerleriniń jumıs ornı ózgergen jaǵdayda onıń ómirlik joldası yamasa erjetpegen perzentiniń oqıwın kóshiriw ushın (tiyisli ministrlik (mákeme) basshısınıń usınısı;

3) Turmıs qurǵanlıǵı haqqındaǵı gúwalıq.

Áhmiyetli eskertiw:

– Báhárgi semestr aldınan bir joqarı bilimlendiriw shólkeminen basqasına «oqıwdı kóshirip tiklew» boyınsha arzalar qabıl etilmeydi;
– Arza tapsırıw barısında kirgizilip atırǵan maǵlıwmatlar hám júklenetuǵın hújjetlerdi jiberiwden aldın dıqqat penen tekserip shıǵıw soraladı. Sebebi, arza jiberilgennen keyin onı redaktorlaw imkaniyatı joq.

Studentlerdiń múrájatları instituttıń bas imaratındaǵı 115-xanada qabıl etiledi.

Maǵlıwmat ushın telefonlar:

+998612294068

+998612294071