Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında tyutorlar tárepinen 2025-jılda ámelge asırılǵan jumıslardıń juwmaqları hám 2026-jıl ushın belgilengen wazıypalardı belgilep alıwǵa arnalǵan prezentaciyalar ótkerilmekte.

9-yanvar kúniniń ekinshi yarımında Anıq pánler, sonıń menen birge, Mektepke shekemgi hám baslawısh tálim fakultetleri tyutorlarınıń prezentaciyası shólkemlestirildi.

Prezentaciya dawamında tyutorlar tárepinen 2025-jıl dawamında studentlerdiń oqıwǵa qızıǵıwshılıǵın arttırıw, ruwxıy-aǵartıwshılıq tárbiya processlerin jetilistiriw, sociallıq-psixologiyalıq qollap-quwatlaw jumısları, jataqxana, ijara úylerinen xabar alıw, sabaqtan bos waqıtların mazmunlı shólkemlestiriw, jaslardıń qábiletlerin júzege shıǵarıw hám mashqalalarına sheshim tabıw sıyaqlı baǵdarlarda erisilgen nátiyjeler analizlendi.

NMPI baspasóz xızmeti.