Ájiniyaz atındaǵı Nókis mámleketlik pedagogikalıq institutında qısqı demalıs juwmaqlanıp, studentlerdiń oqıwǵa qaytıp keliwi múnásibeti menen olardı múnásip kútip alıw ushın tiyisli ámeliy jumıslar alıp barıldı.

Instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov studentler turaq jaylarında bolıp, ol jerde bólmelerdi jılıtıw sistemaları, turmıslıq texnikalardıń úziliksiz islewi hám basqa sharayatlardı kózden ótkerdi.

Birinshi prorektor qısqı demalıstan qaytqan studentler menen sáwbetlesip, olardıń demalıs waqtındaǵı tásirleri, oqıw procesi boyınsha pikir-usınısların tıńladı.

Sonday-aq, studentlerdi baslanıp atırǵan jańa jıldı joqarı keypiyatta hám juwapkershilik penen baslawǵa, oqıwdaǵı jetiskenliklerin ele de arttırıwǵa shaqırdı hám aldaǵı oqıwlarında, ásirese, semestr juwmaǵı boyınsha imtixanlarda áwmet hám tabıslar tiledi.

Bunday ámeliy jumıslar studentlerdiń nátiyjeli bilim alıwı hám qolaylı jasaw sharayatların támiyinlewge xızmet etedi.

NMPI baspasóz xızmeti.