Búgin, 12-yanvar kúninen Ájiniyaz atındaǵı Nókis mámleketlik pedagogikalıq institutında 2025-2026-oqıw jılı gúzgi semestri juwmaǵı boyınsha studentlerdiń bilimin bahalaw maqsetinde tiyisli pánlerden juwmaqlawshı qadaǵalaw imtixanları baslandı.

Belgilengen keste tiykarında ótkerilip atırǵan imtixanlarda bilim hám kónlikpelerdi ádil túrde bahalaw, ashıq-aydınlıqtı támiyinlew hám qolaylı sharayatlardı jaratıwǵa ayrıqsha itibar qaratılmaqta.

Institut basshıları hám juwapker xızmetkerler tárepinen process turaqlı monitoring etilmekte. Juwmaqlawshı imtixanlar studentlerdiń semestr dawamında alǵan teoriyalıq bilimleri hám ámeliy kónlikpelerin bahalawda áhmiyetli esaplanadı.

Imtixanlarında barlıq studentlerge áwmet tileymiz!

NMPI baspasóz xızmeti.