Usı jıldıń 13-yanvar kúni saat 14:00 de Ájiniyaz atındaǵı Nókis mámleketlik pedagogikalıq institutında Jaslar awqamı baslanǵısh shólkemi, jaslar menen islesiw hám ruwxıy-aǵartıwshılıq bólimi hám sport klubı shólkemlestiriwinde Ózbekstan Respublikası Qurallı Kúshleri shólkemlestirilgeniniń 34 jıllıǵı hám Watan qorǵawshıları kúni múnásibeti menen student-jaslar arasında «Turan batırları» áskeriy-sport jarısı bolıp ótedi.

Jaslardı watan súyiwshilik ruwxında tárbiyalaw, olardıń ruwxıy hám fizikalıq tayarlıǵın kúsheytiw, jaslar arasında salamat turmıs tárizin úgit-násiyatlaw hám Qurallı Kúshler quramında xızmet etiwge bolǵan qızıǵıwshılıqtı arttırıw maqsetinde shólkemlestirilip atırǵan jarısta hár bir fakultetten 5 adamnan ibarat komanda aǵzaları:

1) Turnikte tartılıw;
2) «AKM» avtomatın bóleklerge ajıratıw hám jıynaw;
3) Mergenlik (oqjaydan atıw);
4) Arqan tartısıw shártleri tiykarında ózleriniń fizikalıq tayarlıǵı hám imkaniyatların sınaqtan ótkeredi.

Jeńimpazlar hám sıylı orın iyeleri shólkemlestiriwshiler tárepinen diplom hám bayram sawǵaları menen sıylıqlanadı.

«Turan batırları» áskeriy-sport jarısı
Mánzil: NMPI sport kompleksi;
Sánesi hám waqtı: 2026-jıl 13-yanvar saat 14:00.

NMPI baspasóz xızmeti.