Ájiniyaz atındaǵı Nókis mámleketlik pedagogikalıq institutı kásiplik awqamı komiteti tárepinen 14-yanvar – Watan qorǵawshıları kúni múnásibeti menen bayram ilajı shólkemlestirildi.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, kásiplik awqamı komiteti baslıǵı Karamatdin Gúlimbetov institutta nátiyjeli miynet etip atırǵan belsendi professor-oqıtıwshılar hám xızmetkerlerdi bayram menen qutlıqladı.

Olardıń pidayı xızmeti, jaslardı watanǵa muhabbat ruwxında tárbiyalaw hám bilimlendiriw procesindegi belsendiligi atap ótilip, institut kásiplik awqamı komiteti tárepinen tayarlanǵan bayram sawǵaları tapsırıldı.

Ilaj dawamında sózge shıqqanlar tárepinen Watan qorǵawshıları kúniniń mazmunı hám áhmiyeti, elimizdiń rawajlanıwı jolında ayanbay xızmet etip atırǵan pedagoglar hám xızmetkerlerdiń jámiyettegi ornı haqqında sóz etildi.

NMPI baspasóz xızmeti.