Aldın xabar bergenimizdey, usı jıldıń 15-16-yanvar kúnleri Ájiniyaz atındaǵı Nókis mámleketlik pedagogikalıq institutı sport kompleksinde fakultetlerdiń er professor-oqıtıwshıları hám bólimlerdiń xızmetkerleri arasında mini futbol boyınsha jarıs bolıp ótti.

Ózbekstan Respublikası Qurallı Kúshleri dúzilgeniniń 34 jıllıǵı hám 14-yanvar – Watan qorǵawshıları kúni múnásibeti menen institut sport klubı, jaslar menen islesiw hám ruwxıy-aǵartıwshılıq bólimi, sonday-aq, Jaslar awqamı baslanǵısh shólkemi tárepinen shólkemlestirilgen jarıs oǵada qızǵın gúreslerge bay boldı.

Jarıs juwmaǵında:

1-orındı – Rektorat komandası;
2-orındı – Sırtqı bilimlendiriw bólimi komandası;
3-orındı – Pedagogika-psixologiya hám dóretiwshilik tálim fakulteti komandası iyeledi.

Jeńimpazlar hám sıylı orın iyeleri shólkemlestiriwshiler tárepinen diplom, medal, sonday-aq, bayram sawǵaları menen sıylıqlandı.

NMPI baspasóz xızmeti.