Ájiniyaz atındaǵı Nókis mámleketlik pedagogikalıq institutı Filologiya fakultetinde Qaraqalpaqstan Respublikası Ishki isler ministrligi Jámiyetlik qáwipsizlik xızmeti jol háreketi qáwipsizligi basqarması qánigeleri qatnasıwında úgit-násiyat ushırasıwı bolıp ótti.

Bul ilaj jaslar arasında jol háreketi qaǵıydalarına ámel etiw mádeniyatın qáliplestiriw, transport qurallarınan paydalanıwda juwapkershilikti arttırıw hám jol-transport hádiyseleriniń aldın alıw maqsetinde shólkemlestirildi.

Ushırasıw dawamında basqarmanıń bólim baslıǵı Islam Uzaqbergenov hám málimleme toparı inspektorı Timur Qurbanbaev tárepinen jol háreketi qaǵıydalarınıń mazmunı hám áhmiyeti, piyadalar hám transport basqarıwshılarınıń huqıq jáne minnetlemeleri, sonday-aq, jol-transport hádiyseleriniń júzege keliw sebepleri haqqında tolıq maǵlıwmatlar berildi.

NMPI baspasóz xızmeti.