Húkimettiń 2026-jıl 28-yanvardaǵı 32-sanlı qararı menen Ayırım kategoriyadaǵı studentlerdiń mámleketlik joqarı bilimlendiriw shólkemleri studentler turaq jaylarındaǵı jasaw qárejetlerin qaplap beriw tártibi haqqındaǵı reje tastıyıqlandı.

Reje menen tómendegi tártipler belgilendi:

– studentler turaq jaylarında jasaytuǵın ayırım kategoriyadaǵı studentler dizimin qáliplestiriw tártibi;
– studentler turaq jaylarındaǵı jasaw qárejetlerin qaplap beriwdi komissiya tárepinen kórip shıǵıw tártibi;
– studentler turaq jaylarındaǵı jasaw qárejetlerin Mámleketlik byudjet esabınan qarjılandırıw hám qaplap beriw tártibi.

Bul jeńillikten «Sociallıq reestr»ge kirgizilgen shańaraqlardıń kúndizgi bilimlendiriw formasında oqıp atırǵan perzentleri paydalanıwı múmkin. Tólemler student grant yamasa kontrakt tiykarında oqıwına qaramastan ámelge asırıladı.

Qararǵa bola, studentler STJǵa ústemlik tiykarında náwbetsiz qabıllanadı. Eger mámleketlik jataqxanası bolmasa, studentler mámleketlik-jeke menshik sheriklik tiykarında qurılǵan turaq jaylarǵa ornalastırılıwı múmkin. Tólemler hár aydıń 15-sánesine shekem studenttiń bank plastik kartasına ótkerip beriledi.

Studenttiń shańaraǵı «Sociallıq reestr»ge kirgizilgeni:

– mámleketlik joqarı bilimlendiriw shólkeminiń tiyisli málimleme sisteması arqalı jibergen elektron sorawına tiykar «Elektron húkimet» sistemasınıń mákemeler aralıq integraciyalasıw platformasınan alınǵan elektron maǵlıwmatlar;

– Birden-bir interaktiv mámleketlik xızmetler portalı arqalı usınılǵan maǵlıwmatnama tiykarında tastıyıqlanadı.

NMPI baspasóz xızmeti.