Ájiniyaz atındaǵı Nókis mámleketlik pedagogikalıq institutında rektordıń jaslar arasında sociallıq-ruwxıy ortalıqtıń turaqlılıǵın támiyinlew boyınsha másláhátshisi Ǵulamjan Ibadullaev qatnasıwında ashıq sáwbetlesiw shólkemlestirildi.

Ilajǵa Jaslar awqamı baslanǵısh shólkemi jetekshileri, koordinatorları, «Jas ziyalılar» keńesi, «Qalqan» jámiyetlik toparınıń aǵzaları, volontyor hám hár qıylı baǵdarlarda belsendi, úlgili student-jaslar qatnastı.

Ashıq sáwbetlesiw dawamında student-jaslardı qızıqtırıp atırǵan sociallıq, ruwxıy-aǵartıwshılıq máseleler, oqıw procesindegi mashqalalar, jaslardıń bos waqtın mazmunlı shólkemlestiriw, olardıń baslamaları hám ideyaların qollap-quwatlaw máseleleri dodalandı. Sonday-aq, jaslar arasında salamat turmıs tárizin úgit-násiyatlaw, jámiyetlik belsendilikti arttırıw hám hár qıylı unamsız illetlerden qorǵa boyınsha pikir-usınıslar bildirildi.

Ilaj juwmaǵında rektor másláhátshisi tárepinen alǵa qoyılǵan usınıslar tiykarında jaslar menen islesiw nátiyjeliligin arttırıw, Jaslar awqamınıń jumısların bunnan bılay da jedellestiriw hám studentlerdiń sociallıq-ruwxıy turmıstaǵı qatnasın kúsheytiw boyınsha áhmiyetli wazıypalar belgilep alındı.

NMPI baspasóz xızmeti.