Húkimetlik qarar tiykarında «Joqarı bilimlendiriw shólkemlerine oqıwǵa qabıllaw processlerin tártipke salatuǵın normativlik-huqıqıy hújjetlerdi tastıyıqlaw haqqında»ǵı 578-sanlı qararǵa qosımsha hám ózgerisler kirgizildi.

Oǵan bola, kiriw imtixanlarında qatnasıp, minimal ball toplaǵan, biraq studentlikke usınıs etilmegen abiturientlerge vakant (bos) orınlar qalǵan baǵdarlarǵa tańlawda qatnasıw imkaniyatı beriledi.

Bul process tómendegishe ámelge asırıladı:

– imtixan nátiyjeleri járiyalanǵannan soń bir hápte ótip, pánler kompleksi hám oqıtıw tili sáykes bolǵan vakant baǵdarlarǵa bir hápte múddette dizimnen ótiledi;
– abiturientler toplaǵan ballarınıń izbe-izligine (reytingke) qatań ámel etilgen halda bos orınlarǵa bazalıq tólemli kontrakt tiykarında qabıllanadı;
– agentlik tárepinen qáliplestirilgen dizimler joqarı bilimlendiriw shólkemlerine buyrıqtı rásmiylestiriw ushın tiykar boladı.

Sonday-aq, 74-bántke tómendegi ózgerisler kirgizildi:

– aldın ayırım qararlar Mámleketlik komissiyası esabınan qabıl etilgen bolsa, bunnan bılay bul wákillik joqarı bilimlendiriw shólkeminiń rektorı (direktorı) esabına ótkerildi. Yaǵnıy, juwapkershilik hám qarar qabıllaw tikkeley JOO basshısınıń juwapkershiligine júkletildi;
– 74-bánttegi ekinshi abzac alıp taslandı, yaǵnıy ol endi ámelde qollanılmaydı;
– aldınǵı úshinshi hám tórtinshi abzaclar endigiden bılay sáykes túrde – ekinshi hám úshinshi abzac dep qayta nomerlendi.

NMPI baspasóz xızmeti.