Ájiniyaz atındaǵı Nókis mámleketlik pedagogikalıq institutı Anıq pánler fakulteti keshki tálim baǵdarlarında oqıp atırǵan student-jaslar qatnasıwında jol háreketi qáwipsizligin támiyinlew, jol-transport hádiyseleriniń aldın alıw hám juwapkershilikli háreketleniw mádeniyatın qáliplestiriw maqsetinde úgit-násiyat ushırasıwı shólkemlestirildi.

Ushırasıwǵa Qaraqalpaqstan Respublikası Ishki isler ministrligi Jámiyetlik qáwipsizlik xızmeti jol háreketi qáwipsizligi basqarmasınıń inspektorları T.Ótemuratov hám T.Qurbanbaev, sonday-aq, fakultet dekanınıń orınbasarı X.Esemuratov qatnastı.

Ilaj dawamında qánigeler tárepinen jol háreketi qaǵıydalarına qatań ámel etiw, piyadalar hám transport basqarıwshılarınıń minnetleri, mototransport hám velosipedten paydalanıwdaǵı qáwipsizlik ilajları, sonday-aq, jiyi ushırasatuǵın jol-transport hádiyseleriniń sebepleri hám olardıń aqıbetleri haqqında tolıq maǵlıwmatlar berildi.