Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Student hám oqıwshılardıń sociallıq belsendiligin arttırıw orayı tárepinen ótkerilgen «Eń belsendi jıl studenti – 2025» respublikalıq tańlawınıń final basqıshında «Jıldıń eń belsendi isbilermen studenti» nominaciyası boyınsha Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti arnawlı pedagogika: logopediya tálim baǵdarınıń 3-kurs studenti Zebiniso Tairova 2-orındı iyelegen edi.

Búgin, 6-fevral kúni Buxara qalasında tańlawdıń respublikalıq basqıshı jeńimpazları hám sıylı orın iyeleri sıylıqlandı.

Maǵlıwmat ushın, institutımız studenti Zebiniso Tairova Xojeli rayonında shańaraqlıq jeke menshik mektepke shekemgi bilimlendiriw shólkemin ashıp, birneshe jıllardan berli isbilermenlik jumısların nátiyjeli alıp barmaqta.

Tańlawdıń respublikalıq basqıshı jeńimpazları hám sıylı orın iyelerine ministrliktiń tiyisli dárejedegi diplomları, arnawlı statuetka, sonday-aq, sáykes túrde bazalıq esaplaw muǵdarınıń 15, 10 hám 8 esesi muǵdarında aqshalay sıylıqlanadı.

NMPI baspasóz xızmeti.