«Sociallıq reestr»ge kirgizilgen shańaraqlardıń kúndizgi tálim baǵdarlarında oqıp atırǵan studentleri ushın jataqxana qárejetleri Mámleketlik byudjet esabınan qaplap beriledi:

– student grant yamasa kontrakt tiykarında oqıwına qaramastan jataqxana qárejetleri qaplap beriledi;

– studentler STJǵa ústemlik tiykarında (náwbetsiz) qabıllanadı;

– joqarı oqıw ornınıń rektorı atına hár aydıń 7-sánesine shekem kontrakt.edu.uz málimleme sisteması arqalı arza menen múrájat etedi;

– STJda jasaw qárejetleri – hár aylıq tólem sıpatında studentke beriledi;

– tólemler hár aydıń 15-sánesine shekem studenttiń plastik kartasına ótkeriledi;

– studentler jataqxana tólemin aldın ala ámelge asırǵan jaǵdayda, bul qarjılar belgilengen tártipte studenttiń bank plastik kartasına tolıq qaytarıp beriledi.

Maǵlıwmat ushın, házirgi waqıtta joqarı oqıw orınlarında usınday kategoriyadaǵı studentler sanı 5 mıńnan aslamdı quraydı.