Ájiniyaz atındaǵı Nókis mámleketlik pedagogikalıq institutı Filologiya fakulteti «Mushayra» klubı tárepinen shayır Mukarrama Orazbaeva menen dóretiwshilik ushırasıw shólkemlestirildi.

Ushırasıwda óziniń jazǵan qosıqları, sonday-aq, jaǵımlı hawazı, zamanagóy dóretiwshiligi menen jaslar arasında belgili bolǵan shayır poeziyalıq shıǵarmaları, ózi ilhamlanatuǵın motivaciyalıq jaǵdaylar, zamanagóy ádebiyatta kórkem sózdiń ornı haqqında pikirlerin bildirdi.

Ilaj dawamında studentler dóretiwshilikke baylanıslı sorawların berip, qosıq jazıw sheberligi, kórkem talǵamdı qáliplestiriw hám ádebiy izleniwler boyınsha áhmiyetli maǵlıwmatlarǵa iye boldı.

Sonday-aq, studentlerdiń dóretiwshilik úlgileri tıńlanıp, olar boyınsha shayır tárepinen pikirler bildirildi.

Ushırasıw saz-sáwbetler menen dawam etti.

NMPI baspasóz xızmeti.