Ájiniyaz atındaǵı Nókis mámleketlik pedagogikalıq institutında ullı oyshıl, sóz múlkiniń sultanı, belgili mámleketlik ǵayratker Áliysher Nawayınıń tuwılǵanınıń 585 jıllıǵı múnásibeti menen «Nawayınıń dóretiwshilik miyrası hám globallasıw procesi» atamasındaǵı ilimiy-ámeliy konferenciya hám ádebiy-kórkem keshe bolıp ótti.

Konferenciyanı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov alıp bardı.

Ilaj dawamında Áliysher Nawayınıń bay ádebiy miyrasın úyreniw, onı ilimiy tiykarda izertlew, qayta basıp shıǵarıw hám keń jámiyetshilikke jetkeriw baǵdarında ǵárezsizlik jıllarında ámelge asırılǵan jumıslar ayrıqsha atap ótildi. Nawayı shıǵarmalarınıń búgingi globallasıw sharayatında ruwxıy-aǵartıwshılıq áhmiyeti barǵan sayın artıp atırǵanı atap ótildi.

Sonday-aq, Filologiya fakultetiniń qábiletli studentleri tárepinen shayırdıń ǵázzellerinen úzindiler oqıldı. Studentlerdiń atqarıwında Áliysher Nawayınıń ómiri hám dóretiwshiligin sáwlelendiretuǵın kórkem-ádebiy saxna kórinisleri kórsetilip, ilaj qatnasıwshılarında úlken tásir qaldırdı.

Optimized by JPEGmini 3.18.32.260205554-TBTBLNP 0x6825cf31

Optimized by JPEGmini 3.18.32.260205554-TBTBLNP 0x627aee71