Búgin, 10-fevral Ájiniyaz atındaǵı Nókis mámleketlik pedagogikalıq institutında studentlerdiń bos waqıtların mazmunlı ótkeriw, qábiletli, ziyrek jaslardı anıqlaw, olardıń ruwxıy dúnyasın bayıtıw hám talantlı jaslardı xoshametlew maqsetinde fakultetler arasında «Quwnaqlar hám ziyrekler» tańlawınıń birinshi basqıshı ótkerildi.

«Jekpe-jek» formatında bolıp ótken tańlawda fakultetler eki komandadan toparlarǵa bólingen halda ózleriniń saxnalıq sheberliklerin kórsetti.

Oǵada qızǵın túrde ótken tańlawda Filologiya fakultetiniń «Interfak», Mektepke shekemgi hám baslawısh tálim fakultetiniń «Qárekeńniń qızları», Anıq pánler fakultetiniń «APAN», sonday-aq, qosımsha jollama menen Tariyx fakultetiniń «Wa-ha-ha» komandaları final basqıshına jollama aldı.

Final basqıshınıń qashan ótkeriliwi boyınsha qosımsha maǵlıwmat beriledi.

NMPI baspasóz xızmeti.