Ájiniyaz atındaǵı Nókis mámleketlik pedagogikalıq institutı málimleme-resurs orayında ullı oyshıl, mámleketlik ǵayratker hám sóz múlkiniń sultanı Áliysher Nawayı tuwılǵanınıń 585 jıllıǵı múnásibeti menen «Ádebiyat aspanındaǵı juldız» atamasındaǵı ádebiy keshe shólkemlestirildi.

Nawayınıń bay dóretiwshilik miyrasın keń túrde úgit-násiyatlaw, jaslardıń júreginde kórkem ádebiyatqa bolǵan qızıǵıwshılıǵın kúsheytiw maqsetinde ótkerilgen keshege Mektepke shekemgi hám baslawısh tálim fakultetiniń tyutorları hám studentleri qatnastı.

Ilajda málimleme-resurs orayınıń sırt el málimleme-kitapxana resursları menen islew bóliminiń baslıǵı Rita Amanbaeva, filologiya ilimleri boyınsha filosofiya doktorı (PhD) Zuxra Azilova, Mektepke shekemgi hám baslawısh tálim fakulteti tyutorı Gúljáhán Artikova Nawayınıń ómiri hám dóretiwshilik jolı, jáhán ádebiyatındaǵı tutqan ornı, túrkiy tildiń abıroyın jetilistiriwdegi tariyxıy xızmetleri haqqında maǵlıwmatlar berdi.

Keshe dawamında studentler tárepinen Nawayı dóretiwshiligine arnalǵan saxnalıq kórinisler kórsetilip, ǵázzel hám rubayılarınan úzindiler oqıp berildi.

NMPI baspasóz xızmeti.