Ájiniyaz atındaǵı Nókis mámleketlik pedagogikalıq institutı málimleme-resurs orayında 11-fevral – Xalıqaralıq ilim tarawındaǵı hayal-qızlar kúni múnásibeti menen Filologiya fakulteti qaraqalpaq ádebiyatı kafedrasınıń professorı, filologiya ilimleriniń kandidatı, húrmetli ustaz Mariya Bekbergenova menen ushırasıw bolıp ótti.

Ushırasıwǵa instituttıń Pedagogika-psixologiya hám dóretiwshilik tálim fakultetiniń tyutorları hám studentleri qatnastı.

Ilajdı oraydıń sırt el málimleme-kitapxana resursları menen islesiw bólimi baslıǵı Rita Amanbaeva alıp bardı.

Ushırasıwda Mariya Bekbergenova ómir jolı, ilim jolında taslaǵan dáslepki qádemleri, ustazları, birge islesken belgili ilimpazlar, jazıwshı hám shayırlar, mámleketlik hám jámiyetlik ǵayratkerler, shákirtleri, ilimiy miynetleri haqqında qatnasıwshılarǵa maǵlıwmatlar berdi.

Studentler ustazdıń ómiri hám ilimiy-pedagogikalıq jumıslarına baylanıslı sorawlarına juwaplar aldı.

Shólkemlestiriwshiler tárepinen professor Mariya Bekbergenovaǵa bayram sawǵası tapsırıldı. Ilaj saz-sáwbetler menen dawam etti.

NMPI baspasóz xızmeti.