Paytaxtımız Nókis qalasında Ózbekstan Respublikası Prezidenti Administraciyası janındaǵı Ǵalaba xabar quralları ushın kontent tayarlaw orayı hám UNESCO menen birgelikte oqıw seminarı shólkemlestirildi.

Seminarǵa Qaraqalpaqstan Respublikasındaǵı barlıq qala hám rayon hákimlikleri, mámleketlik uyımlar hám shólkemler, sonday-aq, joqarı oqıw orınları málimleme xızmetleriniń basshıları qatnastı.

Eki kún dawam etken oqıw seminarında xalıqaralıq dárejedegi media ekspertler – Joan Barata hám Serhiy Shturxeckiy, sonıń menen birge, media yurist Madina Tursunova tárepinen mámleketlik basqarıw uyımlarınıń jámiyetshilik penen islesiw sistemasın xalıqaralıq talaplar tiykarında jetilistiriw boyınsha ámeliy kónlikpeler berildi.

Oqıw seminarında Ájiniyaz atındaǵı Nókis mámleketlik pedagogikalıq institutı baspasóz xatkeri Islam Matekov ta qatnasıp, sertifikat penen sıylıqlandı.

Bunday ilajlar málimleme xızmeti qánigeleriniń tájiriybesin arttıw, olardıń jumıslarına jańasha qatnastı engiziw hám mámleketlik uyımlardıń jámiyetshilik penen baylanısların sapalıq jaqtan jańa basqıshqa kóteriwge xızmet etedi.

NMPI baspasóz xızmeti.