Ájiniyaz atındaǵı Nókis mámleketlik pedagogikalıq institutı sport klubı hám Jaslar awqamı baslanǵısh shólkemi tárepinen student-jaslar arasında salamat turmıs tárizin úgit-násiyatlaw, olardıń sportqa bolǵan qızıǵıwshılıǵın arttırıw hám sheber sportshılardı anıqlaw maqsetinde «Studentler ligası» sport jarısları sheńberinde stol tennisi boyınsha institut birinshiligi shólkemlestirildi.

Jarısqa barlıq fakultetlerden kelgen studentler belsene qatnasıp, óz ara kúsh sınastı. Qatnasıwshılar tezlik, shaqqanlıq hám joqarı sport sheberliklerin kórsetiwge háreket etti.

Jarıs juwmaǵında jeńimpazlar hám sıylı orın iyeleri anıqlanıp, shólkemlestiriwshiler tárepinen sıylıqlandı.

Sport jarısı studentlerdiń bos waqtın mazmunlı shólkemlestiriw, olardı fizikalıq belsendilikke shaqırıw hám doslıq ortalıǵın bekkemlewge xızmet etti.

NMPI baspasóz xızmeti.