Ájiniyaz atındaǵı Nókis mámleketlik pedagogikalıq institutı sport klubı hám Jaslar awqamı baslanǵısh shólkemi tárepinen student-jaslardıń intellektuallıq potencialın rawajlandırıw, logikalıq pikirlew hám strategiyalıq oylaw dárejesin arttırıw maqsetinde «Studentler ligası» sport jarısları sheńberinde shaxmat boyınsha institut birinshiligi shólkemlestirildi.

Jarısta barlıq fakultetlerden kelgen studentler bilimi hám sport sheberliklerin sınaqtan ótkerdi. Hár bir oyın qızıqlı hám gúreslerge bay tárizde ótip, qatnasıwshılar shaxmattıń názik strategiyaların kórsetiwge háreket etti.

Jarıs juwmaǵında eń kúshli qatnasıwshılar anıqlanıp, jeńimpazlar hám sıylı orın iyeleri shólkemlestiriwshiler tárepinen sıylıqlandı.

Bul sport jarısı studentler arasında intellektual sporttı keń en jaydırıw, salamat báseki ortalıǵın jaratıw hám jaslardıń bos waqtın mazmunlı shólkemlestiriwge xızmet etti.

NMPI baspasóz xızmeti.