Búgin, 21-fevral kúni Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni múnásibeti menen Milliy mass-medianı qollap-quwatlaw hám rawajlandırıw jámiyetlik qorı, «Zakovat» klubı, sonday-aq, Shańaraq hám hayal-qızlar komiteti menen birgelikte hayal-qızlar arasında «Zakovat» intellektual turniriniń aymaqlıq saylap alıw basqıshı bolıp ótti.

Áhmiyetlisi, turnirdiń aymaqlıq basqıshında Ájiniyaz atındaǵı Nókis mámleketlik pedagogikalıq institutı student-qızlarınan dúzilgen «Ziyalı jaslar» komandası sıylı 2-orındı iyelep, respublikalıq final basqıshına jollamanı qolǵa kirgizdi.

Maǵlıwmat ornında, turnirdiń respublikalıq final basqıshı usı jıldıń 1-mart kúni ótkeriliwi jobalastırılǵan.

Respublikalıq basqıshta jeńimpaz bolǵan komandalarǵa qımbat bahalı sawǵalar tapsırıladı.

NMPI baspasóz xızmeti.