Ájiniyaz atındaǵı Nókis mámleketlik pedagogikalıq institutı málimleme-resurs orayında Mektepke shekemgi hám baslawısh tálim fakulteti tyutorı Sulıwxan Palwaniyazova tárepinen «Oqılıw kerek bolǵan 100 kitap» joybarı sheńberinde aǵartıwshılıq keshesi shólkemlestirildi.

Ilajda student-jaslar belgili francuz jazıwshısı Antuan de Sent-Ekzyuperidiń «Kishkene shahzada» shıǵarması boyınsha óz ara maǵlıwmat almasıp, soraw-juwaplar ótkerdi.

Atap aytqanda, shıǵarmanıń mazmunı, qaharmanlar obrazı hám shıǵarmada alǵa qoyılǵan turmıslıq-filosofiyalıq ideyalar, doslıq, sadıqlıq, miyrim-shápáát, juwapkershilik sıyaqlı túsiniklerdiń mazmunı hám áhmiyeti hár tárepleme dodalandı.

Studentler shıǵarmanı oqıw dawamında alǵan tásirleri menen bólisti.

Keshede belsene qatnasqan jaslar xoshametlendi.

Bunday ilajlar student-jaslardı kitapqumarlıqqa baǵdarlaw, olardıń ruwxıy dúnyasın bayıtıwǵa xızmet etedi.