Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen málimleme-resurs orayı jáne Mektepke shekemgi hám baslawısh tálim fakulteti menen birgelikte ózbek ádebiyatınıń kórnekli wákili, Ózbekstan xalıq shayırı Zulfiya Israilovanıń dóretiwshiligine arnalǵan «Baxtım sol – Zulfiyaxanım qızıman» atamasındaǵı ádebiy keshe shólkemlestirildi.

Keshede málimleme-resurs orayı qánigeleri hám fakultet tyutorları shayırdıń ómiri hám dóretiwshilik jolı, onıń ózbek poeziyasına qosqan úlken úlesi, qosıqlarındaǵı jaǵımlı lirika, joqarı adamgershilik sezimleri, watanǵa muhabbat, sadıqlıq hám mártlik tematikaları haqqında sóz etti.

Ilaj dawamında studentler tárepinen shayırdıń qosıqları kórkemlep oqıldı, dóretiwshiliginiń ózgesheliklerine arnalǵan prezentaciyalar islendi. Sonday-aq, talantlı student tárepinen ayaq-oyınlar, saxnalıq kórinisler atqarıldı.

NMPI baspasóz xızmeti.