Ájiniyaz atındaǵı Nókis mámleketlik pedagogikalıq institutında jaslar tálim-tárbiyasınıń áhmiyetli máselelerine arnalǵan keńeytilgen jıynalıs bolıp ótti. Oǵan institut rektoratı wákilleri, fakultet dekanlarınıń jaslar menen islesiw boyınsha orınbasarları, tyutorlar, Jaslar awqamı belsendileri hám tiyisli juwapkerler qatnastı.

Jıynalıstı jaslar máseleleri hám ruwxıy-aǵartıwshılıq isleri boyınsha birinshi prorektor Quvondiq Qodirov basqarıp bardı.

Ilaj dawamında jaslardıń ruwxıy-etikalıq tárbiyasın kúsheytiw, olardıń bos waqtın mazmunlı shólkemlestiriw, huqıqbuzarlıqlar hám zıyanlı illetlerdiń aldın alıw, sonday-aq, zamanagóy bilim hám kónlikpelerdi qáliplestiriw máseleleri dodalandı.

Jıynalısta jaslardıń sociallıq belsendiligin arttırıw, olardı watan súyiwshilik ruwxında tárbiyalaw, olar arasında kitapqumarlıqtı keńnen úgit-násiyatlaw, sport hám mádeniy ilajlardıń sanın arttırıw, qábiletli studentlerdi qollap-quwatlaw boyınsha juwapkerlerge tapsırmalar berildi.

NMPI baspasóz xızmeti.