Ájiniyaz atındaǵı Nókis mámleketlik pedagogikalıq institutı hám «Argoniya» jámiyeti tárepinen mámleketlik-jeke menshik sheriklik tiykarında shólkemlestirilgen studentler turaq jayında 25-fevral – Júweri gúrtik kúni joqarı kóterińkilik penen belgilendi.

Milletler aralıq doslıq hám tatıwlıq bayramına aylanǵan keshede studentler turaq jayı direktorı Miywagúl Qallibekova basshılıǵında qaraqalpaq xalqınıń milliy úrp-ádetleri, milliy oyınları saxnalastırıldı, ata-babalardan miyras bolıp kiyatırǵan turmıslıq buyımlar kórgizbesi ótkerildi.

Hár qıylı millet wákilleri bolǵan student-jaslar awızbirshilikte qaraqalpaq xalqınıń milliy taǵamı – júweri gúrtikti tayarladı.

Keshe shın mánisindegi doslıq hám awızbirshilik bayramına aylandı.