Ájiniyaz atındaǵı Nókis mámleketlik pedagogikalıq institutında Ózbekstan Respublikası Milliy gvardiyasınıń Qaraqalpaqstan Respublikası boyınsha basqarmasınıń áskeriy xızmetkerleri hám student-jaslardıń ushırasıwı bolıp ótti.

Ushırasıwǵa basqarmanıń áskeriy bólim komandiriniń orınbasarı Azamat Mayliev, áskeriy bólim topar komandiri, «Shuhrat» medalınıń iyesi Gózzal Tanimova, kishi serjant, qol urısı boyınsha birneshe márte Ózbekstan hám jáhán chempionı Gúlnura Seytjanova, institut rektorınıń hayal-qızlar máseleleri boyınsha másláhátshisi Sayyora Bekchanova, fakultet hayal-qızlar másláhátshileri, student-qızlar qatnastı.

Ilaj dawamında Milliy gvardiya wákilleri tárepinen elimizde tınıshlıq hám paraxatshılıqtı saqlaw, puqaralardıń huqıq hám máplerin qorǵaw baǵdarında ámelge asırılıp atırǵan jumıslar haqqında maǵlıwmat berildi.

Sonday-aq, jaslardı jat ideyalardan saqlaw, internet hám sociallıq tarmaqlardan durıs paydalanıw, huqıqıy sawatlılıqtı arttırıw máseleleri dodalandı.

Ushırasıw soraw-juwaplar hám pikir almasıwlar menen dawam etti.

NMPI baspasóz xızmeti.