Ájiniyaz atındaǵı Nókis mámleketlik pedagogikalıq institute 1-sanlı studentler turaq jayında Filologiya fakulteti tyutorları tárepinen ózbek ádebiyatınıń kórnekli wákili, Ózbekstan xalıq shayırı Zulfiya Israilovanıń dóretiwshiligine arnalǵan «Zulfiyaxanım qızları» atamasındaǵı ádebiy keshe shólkemlestirildi.

Keshede pedagog-tárbiyashı M.Abdimuratova, fakultet tyutorları Z.Akimniyazova hám A.Orazbaevalar shayırdıń ómiri hám dóretiwshilik jolı, onıń ózbek ádeiyatında qosqan úlken úlesi, qosıqlarındaǵı jaǵımlı lirika, joqarı adamgershilik, watanǵa muhabbat, sadıqlıq sezimleriniń áhmiyeti haqqında maǵlıwmat berdi.

Ilaj dawamında studentler tárepinen shayırdıń qosıqları kórkemlep oqıldı, dóretiwshiliginiń ózgesheliklerine arnalǵan prezentaciyalar islendi. Sonday-aq, talantlı studentler tárepinen ayaq-oyınlar, saxnalıq kórinisler atqarıldı.